LEFAPHA LA MATLOTLO A PROVENSE
BUKANA
TSEBAHATSO YA MOLAO O MABAPI LE PHIHLELLO
TLHAHISOLESEDING, 2000
MOLAO WA NOMORO YA 2 WA 2000
PONELOPELE YA LEFAPHA
Ho tsebahatsa botsamaisi bo bohlale ba ditjhelete ba mehlodi ya provense.
Ho nehelana ka phumantsho ya ditshebeletso e potlakileng basebedising ba rona ka:
Ho hatella ho kenngwa tshebetsong ha Molao o mabapil le Botsamaisi ba Ditjhelete tsa Setjhaba.
Ho tekwa ha ditekanyetso tsa provense tse phethahetseng le tse tswellang nako e telele
Ho tsebahatswa le ho behwa leihlo ha ditekanyetso tse tswellang nako e telele tsa mmuso wa lehae
Botsamaisi bo phethahetseng ba thepa le dikoloto tsa mafapha le mmuso wa provense
Tsebahatso ya diketsahalo tse phethahetseng tsa phumantsho
Tshebediso e phethahetseng ya lekgetho la provense le bokelletsweng
Ntlafatso ya botsamaisi bo phethahetseng ba tjhelete, diketsahalo tsa ho boloka direkoto tsa ditjhelete, maano le mekgwatshebetso.
A. DINTLHA TSA BAO HO KA IKOPANNGWANG LE BONA [karolo ya 14 (b) ya Molao]
Mohlanka wa Tlhahisoleseding
Aterese: Phaposi ya 448 Moahong wa Lebohang
BLOEMFONTEIN
Aterese ya poso:PO Box 517BLOEMFONTEIN9300
B. TATAISO YA KAROLO YA 10 karolo ya 141c
Khomeshene ya Ditokelo tsa Botho ya Afrika Borwa e tlameha ho etsa tataiso e mabapi le ho sebediswa ha Molao. Tataiso ena e tla fumaneha ho eso fete Phato 2003 . Dipatlisiso mabapi le tataiso di ka lebiswa ho:
Tsebiso ho ya ka karolo ya 15 e hlalosang mekgahlelo ya direkoto tse fumanehang ntle le hore motho a etse kopo ya phihlello ho ya ka dintlha tsa Molao ha e fumanehe ha jwale.
Leha ho le jwalo, tse latelang ke direkoto tse phatlaladitsweng ke Lefapha:
i Tlaleho ya selemo ka seng
Direkoto tse ka koptjwang karolo 141d
Metsotso ya dikopano
Dipuo tse etswang ke Setho sa Lekgotla la Phethahatso le basebetsi ba bang
Ditlaleho
Dibuka
Ditletlebo tse amohelwang
Ditsebiso tsa bahlanka ba diphatlalatso
Maano
Maano a phumantsho
Ditekanyetso
Meralo e mawala
Dinyehelo tsa Moralo wa Tshebetso wa Nakwana wa Moruo
Ditokomane tsa phumantsho
Metjha ya ho etsa kopo
Mokopi o tlameha ho nehwa phihlello ya rekoto ya sebopeho sa setjhaba ebang a dumellana le tse latelang:
Ditlhokeho tsohle tsa motjha tse ka Molaong tse amanang le kopo ya phihlello ya rekoto; le
Ha ho hanwe ka phihlello ya rekoto eo tlasa mabaka afe kapa afe a ho hana a boletsweng Molaong.
Mofuta wa kopo:
Mokopi o tlameha ho sebedisa foromo e hatisitsweng Koranteng ya Mmuso [Tsebiso ya Mmuso R187 - 15 Tlhakola 2002] (Foromo ya A).
Mokopi o boela a tlameha ho bolela ebang kopo e le ya khopi ya rekoto kapa ebang a batla ho phetlela rekoto diofising tsa Tsamaiso ya Provense. Ka nqe nngwe, ebang rekoto e se tokomane e ka bohuwang ka mokgwa oo e kopilweng ka ona, ebang ho kgoneha karolo 292.
Ebang motho a kopa phihlello ka mokgwa o itseng mokopi o lokela ho nehwa phihlello ka mokgwa oo a kopileng ka ona. Ho dumellana le kopo ha ho a tshwanela ho sitisa tsamaiso ya lefapha, kapa tshenyeho ya rekoto, kapa ho tlole molawana wa kopitso oo e seng wa mmuso. Ebang ho ke keng ha nehelanwa ka phihlello ka mokgwa oo e kopilweng ka ona ka mabaka a bonahalang, empa ho ka nehelanwa ka yona ka mokgwa o mong osele, tefo e tlameha ho sebetswa ho ya ka kopo ya pele ya motho karolo ya 293 le 4.
Ebang, tlatsetsong ya karabo e ngotsweng kopong ya hae ya rekoto, mokopi a lakatsa ho tsebiswa ka qeto ka tsela efe kapa efe, mohlala: ka mohala, sena se tlameha ho bontshwa karolo 182e.
Ebang mokopi a kopela motho e mong tlhahisoleseding, o lokela ho bontsha jwalo ha a etsa jwalo karolo 182f.
Ebang mokopi a sa kgone ho bala kapa ho ngola, kapa a sa itekanela, a ka etsa kopo ya rekoto ka molomo. Mohlanka wa tlhahisoleseding o tlameha ho tlatsetsa mokopi foromo mme a mo nehe khopi karolo 183.
Mefuta e mmedi ya ditefello e lokela ho lefshwa ho ya ka Molao, tefello ya kopo le tefello ya phihlello [karolo ya 22]:
Mokopi ya batlang phihlello ya rekoto e nang le tlhahisoleseding ya motho e mabapi le mokopi eo ha ho hlokehe hore a lefe tefello ya kopo. Mokopi ofe kapa ofe, ya sa etseng kopo ya rekoto e mabapi le yena, o tlameha ho lefa tefello ya kopo e hlokehang:
Mohlanka wa tlhahisoleseding o tlameha ho bolella mokopi (ntle le mokopi wa rekoto ya hae) ka tsebiso, e hlokang hore mokopi a lefe tefello e laetsweng (ebang e le teng) pele ho tswelwa pele ka kopo.
Tefello ya kopo e lefshwang dibopehong tsa setjhaba ke R35. Mokopi a ka etsa boipiletso ba kahare, ebang ho lokela, kapa qoso lekgotleng kgahlanong le thendara kapa tefo ya tefello ya kopo.
Kamora hore mohlanka wa tlhahisoleseding a etse qeto mabapi le kopo mokopi o tlameha ho tsebiswa ka qeto e jwalo ka mokgwa o kopilweng ke bona.
Ebang kopo e tswella tefello e nngwe ya phihlello e tlameha ho lefshwa bakeng la phuputso, tokisetso, katiso le bakeng la nako e ekeditsweng hodima dihora tse laetsweng tsa ho fuputsa le ho lokisetsa ho tsebahatsa rekoto.
D. DITSHEBELETSO TSE FUMANEHANG karolo ya 141f
Mofuta wa ditshebeletso
Ditshebeletso tsa Lefapha ke tsena tse latelang:
Ditjeho tsa Provense le Botsamaisi ba Lekgetho
Botsamaisi bo mabapi le Phallo ya Tjhelete
Botsamaisi ba Mmuso wa Lehae le Ditheho tsa Setjhaba
Botsamaisi bo mabapi le ditlhophiso tsa ditjhelete
Botsamaisi ba ho bolokwa ha direkoto tsa ditjhelete tsa Provense
Tsamaiso ya Meputso
Mekgwatshebetso ya Ditjhelete
Ho tsamaisa mesebetsi e fapaneng boemong ba Provense
Mokgwa wa ho fihlella ditshebeletso tsena
Hore ho fihlellwe ditshebeletso tsa Lefapha, dikopo di tlameha ho lebiswa ho Hlooho ya Lefapha.
E. TLHOPHISO E DUMELLANG SETJHABA HO BA LE SEABO HO RALWENG HA LEANO LE TSHEBEDISONG YA MATLA karolo ya 141g
Ho ya ka dintlha tsa Melao le Ditaelo tsa Lekgotla la Ketsamelao la Provense, melao yohle e phatlalatswa bakeng la maikutlo a setjhaba pele ho buisanwa ka yona. Setjhaba se nehwa monyetla wa ho ngola dipehelo kapa ho hlahella ka pela dikomiti tsa dipotfolio tse fapaneng.
Melao e fapaneng ya provense e dumella ditho tsa setjhaba ho kgetha ditho tse tla sebetsa dikomiting tse itseng.
F. MEHATO YA TOKISO E TENG EBANG DIPEHELO TSA MOLAO ONA DI SA LATELWE karolo141h
Mokopi a ka hlahlela boipiletso ba kahare kgahlano le qeto ya mohlanka wa tlhahisoleseding mothong ya kgethilweng ke Tonakgolo. Mokopi a ka hlahlela nyewe lekgotleng la dinyewe bakeng la ho fumana thuso e loketseng kamora hore a sebedise metjha ya kahare ka ho phethahala. Ho ka uwa makgotleng ebang Tsamaiso ya Provense e sa latela dipehelo tsa Molao. Sena se sebetsa boemong boo ho bona mokopi a lakatsang ho ipiletsa kgahlano le qeto e entsweng ke mohlanka wa tlhahisoleseding.
G. HO NTJHAFATSWA HA BUKANA karolo ya 142
Ha ho hlokeha, Tsamaiso ya Provense e tla ntjhafatsa le ho phatlalatsa bukana ena, jwalo-jwalo kamora nako e sa feteng selemo.
H. HO FUMANEHA HA BUKANA karolo ya 143
Bukana ya Tsamaiso ya Provense e fumaneha ka mokgwa o latelang:
Khopi e ngotsweng ka e nngwe le e nngwe ya dipuo tse tharo tsa semmuso e tlameha ho fumaneha sebakeng se seng le se seng sa direkoto tsa molao jwalo ka ha ho hlaositswe karolong ya 6 ya Molao wa Direkoto tsa Molao wa 1997; Khomeshene ya Ditokelo tsa Botho ya Afrika Borwa; le ofisi ka nngwe ya sebopeho seo sa mmuso.
